ភ្នំពេញ៖ នាយករដ្ឋមន្ត្រីកម្ពុជា សម្តេចតេជោ ហ៊ុន សែន បានលើកឡើងនៅពិធីសម្ពោធដាក់ឱ្យប្រើប្រាស់អាគារសម្ភពនៃមន្ទីរពេទ្យកុមារជាតិព្រឹកថ្ងៃទី២០ ខែមេសា ឆ្នាំ២០២៣ថា នៅចូលឆ្នាំក្រោយៗមិនគួរលេងកាំភ្លើងបាញ់ទឹក ពីព្រោះវាអាចបង្កគ្រោះថ្នាក់។
សម្តេចបានណែនាំបែបនេះ បន្ទាប់ពីបានឃើញនូវស្ត្រីបរទេសម្នាក់កាលពីថ្ងៃចូលឆ្នាំខ្មែរបានរងរបួសភ្នែកដោយសារតែលេងបាញ់ទឹកចំភ្នែកបណ្តាលឱ្យមើលអ្វីលែងឃើញ។
សម្តេចថ្លែងថា៖«ឆ្នំាក្រោយ កុំគួរមានអាបាញ់ទឹក ទៅជាប្រោះព្រំទឹកវិញ អាបាញ់ទឹកជួនកាលគ្រោះថ្នាក់ ដួលភ្លាម អាបាតម្សៅបាតអីហ្នឹង បងប្អូនសប្បាយចេះតែសប្បាយ»។
សម្តេចតេជោ រីករាយដែលបានឃើញពលរដ្ឋជាច្រើនកុះករសប្បាយរីករាយនៅថ្ងៃចូលឆ្នាំខ្មែរ ដែលខុសពីថ្ងៃចូលឆ្នាំខ្មែរកាលពី២០២២ ដែលធ្វើឱ្យសម្តេចមានការព្រួយបារម្ភអំពីការឆ្លងជំងឺកូវីដ-១៩ ប៉ុន្តែឆ្នាំនេះមិនមានអ្នកឆ្លងជំងឺកូវីដ-១៩៕
